Një ushtar austriak u dënua me 19 muaj burg pasi bëri tatuazh simbolin e nazizmit në testikuj. 29-vjeçari piu dy shishe uiski para se vëllai i tij t’i bënte tatuazh simbolin e ndaluar në skërtumin e tij, raportoi gjykata në qytetin e Klagenfurt.
Ai postoi një foto të tatuazhit në internet dhe ua tregoi kolegëve teksa ishte i dehur në mbrëmjen e fundit të stërvitjes ushtarake. Ushtari, i cili nuk është identifikuar për shkak të ligjeve austriake të privatësisë, u akuzua për postimin e fotove me përmbajtje naziste dhe pirjen e verës me markën e Hitlerit. Ai u dënua me 19 muaj burg për glorifikim të nazizmit. I pandehuri shprehu pendesë gjatë gjykimit, duke thënë se ndjehej në siklet për veprimet e tij. Ai gjithashtu tha se tatuazhi nuk ishte në vend të dukshëm, por kjo nuk e shpëtoi atë nga burgu.
Avokati i tij, Franz Zimmermann tha se do të apelonte vendimin. Akti i Ndalimit të Socializmit Nacional të Austrisë i vitit 1947 urdhëron dënime me burg për ata që përpiqen të ringjallin ose glorifikojnë organizatat që i ngjajnë partisë Naziste.
Përshtati:Priza.al/Burimi:DailyMail
