Kryeministri Edi Rama ka reaguar për mbylljen e gjimnazit “Mehmet Akif” nga Ministria e Arsimit. Përmes tre postimeve në Twitter, kryeministri shkruan se drejtuesit e institucionit arsimor kanë marrë leje për të zhvilluar mësimdhënie në një godinë dhe më pas e kanë ushtruar aktivitetin diku tjerët, duke shkelur ligjin.
Rama thekson se është verifikuar dy herë rasti dhe më pas është marrë vendimi për mbylljen e tij.
Të shesësh godinën ku ke lejen e aktivitetit shkollor dhe të hapësh aktivitetin diku tjetër, pa marrë lejen sipas ligjit, pa plotësuar kriteret e pa përmbushur standartet e kërkuara ligjërisht, është një shkelje për të cilën ligji parashikon heqjen e liçencës.
— Edi Rama (@ediramaal) September 23, 2022
Po ashtu ai nuk ka lënë pa sulmuar edhe mediat dhe politikën, për të cilën thekson se po bombardojnë rrjetin me teori konspirative.
Pas çdo vendimi kërkohet një qëllim tjetër nga i vërteti dhe bombardohet publiku me lajme të rreme e me teori konspiracioni! S’ka asgjë të tillë dhe asnjë qëllim tjetër përveç zbatimit të barabartë të ligjit në rastin e heqjes së një liçence shkolle si plot të tjera më parë.
— Edi Rama (@ediramaal) September 23, 2022
Gjithashtu ai thumbuar edhe drejtuesit e institucionit arsimor, ku deklaron se përdorimi i fëmijëve në protestë, duke luajtur rolin e viktimës, tregon ndërgjegje të ulët.
Përdorimi i fëmijëve pastaj për të fshehur fajin karshi ligjit, prindërve dhe vetë nxënësve, duke luajtur rolin e viktimës së qeverisë, kur në fakt je verifikuar jo një po dy herë në shkelje, tregon ndërgjegje të ulët në raport me misionin e lartë të një vatre edukimi.
— Edi Rama (@ediramaal) September 23, 2022
