Së fundmi Drejtori i Përgjithshëm i Policisë së Shtetit Muhamet Rrumbullaku u takua me ambasadorin e Turqisë në vendin tonë, Tayyar Kağan Atay.
Takimi ka pasur në fokus vlersimin për bashkpunimin e tyre deri më tani duke premtuar forcimin e mëtejshëm mes tyre.
U mësuan prioritetet që Drejtori ka për të reformuar Policinë e Shtetit, me qëllim vendosjen e standardeve të reja në vend.
Njoftimi:
Drejtori i Përgjithshëm i Policisë së Shtetit u takua me ambasadorin e Turqisë në vendin tonë, Tayyar Kağan Atay.
Në fokus të takimit ishin vlerësimi i bashkëpunimit të deritanishëm, si dhe zgjerimi e forcimi i bashkëpunimit në të ardhmen, ndërmjet Policisë shqiptare dhe asaj turke, në fusha me interes të përbashkët dhe veçanërisht në luftën kundër krimit të organizuar, krimeve kibernetike dhe terrorizmit.
Drejtori i Përgjithshëm e ka falënderuar ambasadorin për vizitën dhe e ka njohur atë me prioritetet që Drejtori ka për të reformuar Policinë e Shtetit, me qëllim vendosjen e standardeve të reja, ndryshimin e metodologjisë së punës, krijimin e një qasjeje të re në raport me qytetarët dhe ndjekjen e problematikave dhe shqetësimeve të tyre.
Ambasadori Atay e ka uruar Drejtorin e Përgjithshëm për detyrën dhe i ka ofruar atij mbështetjen e plotë të Policisë turke dhe të ambasadës së Turqisë në Tiranë. Ambasadori turk i dorëzoi Drejtorit të Përgjithshëm edhe një letër urimi nga Drejtori i Përgjithshëm i Policisë së Turqisë.
