Të mërkurën, presidenti amerikan, Joe Biden, dhe homologu i tij rus, Vladimir Putin, u takuan në një vilë luksoze në Gjenevë të Zvicrës. Para se të hynin në ndërtesën e shekullit XVIII, dy ndër liderët shtrënguan duart para gazetarëve.
Ka qënë pikërisht ky momenti kur fotografrët kanë arritur të kapin në shkrepjen e tyre orën që lideri rus kishtë vënë në dorë.
Ajo është firmës zvicerane, “Blancpain”, e themeluar në vitin e largët, 1735.
Kjo kompani njihet për orat luksoze dhe të shtrenjta, si shumica e kompanive zvicerane.
Modeli në dorën e Putinit quhet “Blancpain Aqua Lung” dhe modeli bazë kushton rreth 10.000 euro.
Por çmim i saj mund të jetë shumë më i lartë, në rast se shtohen detaje ose prodhohet prej floriri.
Rezistencën ndaj ujit e ka 10 ATM ose deri në 100 metra thellësi. Xhamin e ka prej safiri, ndërsa rripat lëkurë të zezë.
Pasioni i Putin për orat luksoze është i njohur pasi lideri i Kremlinit mban një koleksion, i cili mendohet se arrin shifrën prej 544 mijë euro.
/Priza.al/
