Këtë të hënë në Gjykatën e Apelit do të zhvillohet seanca gjyqësore për deputetin Ervin Salianji, për çështjen “Babale.”
Mësohet se seanca do të fillojë në orën 14:00.
Kujtojmë se Salianji akuzohet për veprën penale kallëzim i rremë në lidhje me çështjen “Babale” dhe u dënua me një vit burg nga gjykata e Shkallës së Parë. Nëse Apeli do të konfirmojë vendimin e Shkallës së Parë atëherë deputeti Salianji, rrezikon burgun.
Deputeti, Salianji u shpall fajtorë nën akuzën e ‘kallëzimit të rremë’ lidhur me inskenimin e audio-përgjimit me qëllim përfshirjen e vëllait të ish-ministrit të Brendshëm Fatmir Xhafaj në trafikun e drogës. Gjykata Penale vendosi 1 vit burgim me akuzën e kallëzimit të rremë kryer në bashkëpunim.
