Së fundmi, janë zbuluar monedhat e reja me portretin e mbretit Charles, që do të hyjnë në qarkullimin e përgjithshëm brenda disa javësh. Monedhat ndjekin traditën shekullore me monarkun që ndodhet në anë të kundërt me paraardhësen e tij. Ashtu si me mbretërit e mëparshëm britanikë dhe ndryshe nga Mbretëresha, ai nuk mban kurorë. Mbreti Charles e miratoi personalisht figurën dhe tha se ishte i kënaqur me ngjashmërinë.
Monedhat do t’u shiten koleksionistëve nga ‘The Royal Mint’ në fillimin e javës së ardhshme. Monedha 50p do të jetë e disponueshme për përdorim të përgjithshëm përpara fundit të vitit, e shpërndarë sipas kërkesës nga bankat, shoqëritë e ndërtimit dhe zyrat postare. Ato do të qarkullojnë me monedha që shfaqin mbretëreshën e ndjerë, kështu që ato 27 miliardë monedha do të pranohen ende në dyqane.
Anne Jessopp, shefe ekzekutive e ‘The Royal Mint’, tha se monedhat në përgjithësi zgjatën për 20 vjet, kështu që të dyja monedhat, e Mbretëreshës Elizabeth dhe mbretit Charles do të jenë në qarkullim së bashku për shumë vite në vijim. Nga fillimi i vitit të ardhshëm, monedhat nga 1p deri në £2, të cilat përdoren në jetën e përditshme, do të qarkullojnë duke mbajtur të njëjtin imazh të mbretit Charles. Ato do të dërgohen kur të jetë e nevojshme për të zëvendësuar monedhat e vjetra të dëmtuara dhe të konsumuara, gjithashtu për të mbuluar çdo kërkesë shtesë.
“Njerëzit nuk duhet të shqetësohen nëse kanë monedha me mbretëreshën. Ne do t’i mbajmë ato monedha në qarkullim”,- shprehet Anne Jessopp.
