Prokuroria e Sarandës ka sekuestruar sot 679 m2 truall të regjistruar në shkelje të ligjit.
Burime për median bëjnë me dije se trualli i sekuestruar ndodhet në zonën “Turizëm – Kanali i Çukës” ishte regjistruar në emër të dy biznesmenëve nga Saranda, të cilët aty kishin ngritur biznes.
Njoftimi i plotë:
Prokuroria Sarandë sekuestron 679m2 tokë truall në zonën Turizëm-Kanal i Çukës
Prokuroria pranë Gjykatës së Shkallës së Parë Sarandë ka sekuestruar në datë 22.7.2022 një sipërfaqe prej 679m2 tokë truall në zonën Turizëm-Kanal i Çukës. Në kuadër të procedimit penal, me nr. 297 të vitit 2021, regjistruar ndaj zyrtarëve të Agjencisë Shtetërore të Kadastrës Sarandë, hetimet kanë avancuar duke konstatuar elemente të veprës penale të shpërdorimit të detyrës.
Për këtë arsye, Prokuroria pranë Gjykatës së Shkallës së Parë Sarandë në mbyllje të hetimit ka proceduar më tej me sekuestrimin e pasurive tokë shtetërore të regjistruara ne shkelje të ligjit në favor të dy shtetasve.
