Marash Kumbulla do vijojë të jetë pjesë e Romës edhe për sezonin e ri. Mbrojtësi i Kombëtares ka marrë besimin e Mourinho, me drejtuesit që e kanë lënë jashtë listës së shitjes në këtë merkato.
Tanimë 21 vjeçari duket se ka marrë besimin e portugezit për më shumë minuta sezonin që vjen. Kumbulla u bashkua me Romën nga Verona para dy sezonesh, ndërsa ishte objektiv i Torinos në verë.
Trajneri i tij i parë, Juric e kërkon me ngulm mbrojtësin, me Mourinhon që ka prerë hovin e “Granatave”. Me 28 ndeshje sezonin e kaluar në të gjitha kompeticionet, Marashi nuk është preferuar si titullar te Roma, duke dashur të kapë mundësinë për edicionin e ri.
