Sonte do të luhen ndeshjet e radhës të Conference League, të vlefshme për fazën e grupeve. 8 takime do të startojnë në orën 18:45, kurse 8 të tjerat në orën 21:00. Vëmendja dhe interesi është i madh nga gjithë sportdashësit.
Vëmendjen kryesore padyshim e rrëmben Ballkani i Ilir Dajës që në Fadil Vokrri do të përballet me Sivasporin. Pas triumfit në takimin e parë në transfertë me rezultatin 3-2, të besuarit e teknikut të njohur janë favoritë realë për të kaluar fazën e grupeve.
Stadiumi pritet të jetë i tejmbushur, teksa biletat prej dy ditësh kanë qenë “sold-out”. Më poshtë njihuni me gjitha ndeshjet dhe duelet e ditës së sotme për Conference League.
