Automjeti i sigurisë M1117 (ASV), i njohur gjithashtu si Guardian, është një automjet i blinduar me rrota 4×4. M1117 u prezantua për herë të parë në inventarin e Policisë Ushtarake të Ushtrisë Amerikane në vitin 1999. Operacioni Liria e Irakut dhe Operacioni i Lirisë së Përhershme ishin dy misionet kryesore në të cilat automjeti u përfshi si pajisje thelbësore e misionit.
I njwjti mjet ushtarak raportohet nga mediat greke se është pajisur shteti helen nga SHBA. Sipas tyre, mjetet e para “M1117 Guardian” kanë mbërritur tashmë në Athinë, ku do të prezantohen zyrtarisht këtë javë përmes një ceremonie me drejtues të Ministrisë së Mbrojtjes.
Deri në fund të këtij viti, në Greqi pritet të dërgohen 450 mjete të tillam ndërsa dërgesa e plotë duhet të përfundojë në prill të vitit 2022.
Athina do të paguajë 102 milionë dollarë si kosto transporti dhe inspektimi. Turqia u ankua sakaq për aksione provokuese nga ana e grekëve, duke u ankuar se forcat e Athinës kanë kryer sipas saj 2.321 shkelje në ishujt e çmilitarizuar në Mesdheun Lindor.
Ankaraja thotë se pala greke po vazhdon t`i përshkallëzojë tensionet duke i shpërfillur krejtësisht thirrjet e saj për dialog.
/Burimi: Protothema/ Përshtati: Priza.al/
