Një sherr që ka degjeneruar në përdorimin e thikave është regjistruar mesditën e sotme në qytetin e Shkodrës.
Nga të dhënat paraprake mësohet se ngjarja ka ndodhur në qendër të qytetit, pranë Poliklinikës.
Burime bëjnë me dije se të plagosur kanë mbetur 3 persona. Të tre ndodhen në spital duke u trajtuar me ndihmë mjekësore, por për njërin prej tyre gjendja paraqitet më e rëndë, ndaj mjekët po kryejnë trajtim më të specializuar në sallën e operacionit.
Ndërkohë, dy të plagosurit e tjerë kanë marrë plagë më të lehta.
Sipas njoftimit të policisë, një 18 vjeçar i identifikuar si A.H ka plagosur me thikë 3 bashkëmoshatarët e tij dhe është larguar nga vendngjarja. Policia është vënë në ndjekje të tij.
