Detaje të reja kanë dalë nga sherri i djeshëm pranë shkollës ‘Fan Noli’ ku mbeti i plagosur një person. Është bërë me dije se Policia ka shpallur në kërkim autorin 45-vjeçar Ylli Gosturani.
Autori ka qenë duke lëvizur me një makinë tip “Range Rover” në rrugën përpara shkollës ku një fugon që transportonte nxënës i kishte zënë rrugën.
Këtu ka nisur edhe debati, ku më pas ai është zënë me shoferin dhe ndihmësin e tij duke i plagosur me thikë.
Altin Vani 37-vjeç dhe Veli Xhani 42-vjeç mbetën të plagosur dhe po marrin trajtim mjekësor tek Spitali i Traumës.
