Gjoba për të dy por pezullim vetëm për Thomas Tuchel. Disiplina vepron për rastin Conte-Tuchel ku dy trajnerët krijuan skena kaotike gjatë dhe në fund të ndeshjes Chelsea-Tottenham.
Federata ka gjobitur me 41.500 euro trajnerin e bluve të Londrës dhe 17.500 atë të “Gjelave”. Të dy janë fajtorë por gjermani pak më shumë për atë shtrëngim dore në fund ku i kërkoi italianit ta shikonte në sy duke provokuar një sherr masiv mes të dyve.
Pezullimi për Tuchel do të hyjë në fuqi vetëm pasi të flasë apeli dhe ai do të jetë në stol për sfidën Chelsea-Leeds. Të dy trajnerët e minimizuan atë që ndodhi në fushë ku Tuchel u shpreh në konferencën e së premtes se nuk ndodhi asgjë e veçantë duke theksuar se ka respekt maksimal për rivalin. Në krahun tjetër, Conte theksoi se historia për të u mbyll në “Stamford Bridge”.
