Probleme të shumta janë shkaktuar si pasojë e reshjeve të dendura të shiut në vend ku si pasojë janë bllokuar shumë rrugë e ka pasur edhe probleme me energjinë elektrike.
Problemet kanë qenë të shumta në qarkun e Lezhës, ku dita e sotme është shoqëruar me stuhi shiu, që ka sjellë probleme në qytetin e Shëngjinit.
Një prej rrugëve në qendër të Shëngjinit është përmbytur dhe kjo situatë përsëritet shpesh në kohë reshjesh, por më shqetësuese mbeten pusetat e hapura përgjatë rrugës, të cilat janë bllokuar prej reshjeve të shiut dhe uji vërshon rrugëve të qytetit.
Kjo është kthyer në një shqetësim të madh për kalimtarët dhe drejtuesit e automjeteve në këtë fundjavë, ndërkohë nuk dihen ende masat që kanë marrë autoritetet për këtë situatë.
/Priza.al/
