Në orët e para të këtij mëngjesi, Guardia di Finanza e Katanias, Itali, ka shkatërruar dy banda të trafikut të drogës. Grupet kriminale ishin të përbërë nga shtetas siçilian, kolumbian dhe shqiptarë.
Personat e arrestuar janë 13 dhe momentalisht për to është dhënë urdhri për paraburgim. Akuza që rëndon mbi autorët është trafikimi dhe tregtimi i drogës.
Operacioni mbresëlënës i koduar “Cocorito”, u organizua me më shumë se 100 ushtarë të komandës provinciale të Guardia di Finanza të Katanias, në bashkëpunimin dhe me mbështetjen e SCICO (Shërbimi Qendror i Hetimit të Krimit të Organizuar), bëri të mundur shpërbërjen e këtij karteli droge, që vepronte në Catania, Siçili.
Sipas Drejtorisë së Qarkut Anti-Mafia të Katanias, e cila koordinonte hetimet e Njësisë së Policisë Ekonomike dhe Financiare të Policisë Financiare të kryeqytetit Etna, karteli i përbërë nga 2 banda kriminale ishte i përkushtuar në tregtimin e sasive të mëdha të drogës.
Efektivët arritën të sekuestrojnë 365 kg substanca narkotike si marihuana dhe kokaina.
Prokurori Publik i Catania-s do të lëshojë një deklaratë për shtyp me të gjitha detajet e operacionit.
/Burimi SiciliaNews24: Përshtati në shqip Priza.al/
