Fizikanti i ndjerë Albert Einstein është rikthyer në jetë me anë të një platforme dixhitale e cila rikrijoi pamjen dhe zërin e shkencëtarit të famshëm. E kompletuar me theksin gjerman, kopja dixhitale flet me ton të butë, miqësor dhe është programuar me të njëjtin sens humori si Ajnshtajni i vërtetë. Përdoruesit e kësaj platforme mund të marrin pjesë në quiz-e të përditshme dhe t’i bëjnë pyetje personazhit në lidhje me shkencën, jetën dhe punën e tij. Ajnshtajni është i njohur për kërkimet e tij në fizikë, veçanërisht për teorinë e relativitetit që ndryshoi kuptimin e kohës, gravitetit dhe universit.
Ky inovacion u krijua nga ‘UneeQ’, një kompani me bazë në Austri dhe Zelandën e Re, e specializuar në ‘njerëzit dixhitalë’, dhe u prezantua në 100-vjetorin e çmimit ‘Nobel’ të Ajnshtajnit në fizikë. Platformat dixhitale njerëzore po bëjnë ndryshimin në botën e teknologjisë, dhe po bëhen më të përparuara dhe të fuqishme, dhe një numër firmash po lëshojnë versione të ndryshme të tyre.
Përshtati:Priza.al/Burimi:DailyMail
