Një 53 vjeçar është arrestuar nga policia Shkodër, pasi rezultonte i shpallur në kërkim për veprën penale “Kultivimi i bimëve narkotike”.
Shtetasi me iniciale L.H., banues në fshatin Grudë e Re, Shkodër akuzohet për veprën penale “Kultivimi i bimëve narkotike”, kryer në bashkëpunim.
Njoftimi i Policisë:
Shkodër
Vijon puna për kapjen e personave të shpallur në kërkim.
Kapet dhe vihet në pranga një shtetas i shpallur në kërkim për veprën penale “Kultivimi i bimëve narkotike”.
Shërbimet e Komisariatit të Policisë Shkodër, në bashkëpunim me Seksionin për Hetimin e Trafiqeve dhe Narkotikëve dhe Forcën e Posaçme Operacionale në DVP Shkodër, në vijim të punës për kapjen e personave në kërkim, bazuar dhe në informacionet e siguruara në rrugë operative, bënë kapjen dhe ndalimin e shtetasit të shpallur në kërkim:
- H., 53 vjeç, banues në fshatin Grudë e Re, Shkodër.
Për këtë shtetas, Gjykata Shkallës së Parë Shkodër, me vendimin e datës 20.12.2020, ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.
Ky shtetas, në gusht të vitit 2020, në bashkëpunim me shtetasit P. Ç. dhe L. N. (të ndaluar më parë), dyshohet se ka kultivuar bimë narkotike cannabis sativa, në fshatin Mazrek, Shkodër.
Materialet iu referuan Prokurorisë pranë Gjykatës së Rrethit Gjyqësor Shkodër, për veprime të mëtejshme.
