Ndërron jetë e moshuara, e cila mbeti nën rrënojat e banesës së saj pas shpërthimit të një bombole gazi. Bëhet fjalë për Alije Kosovën, ndërsa burri i saj Mustafa, ndodhet në spital. Ngjarja ndodhi në lagjen “11 Janari, në Kuçovë.
Njoftimi i policisë:
Në vijim të informacionit të dhënë në lidhje me ngjarjen e ndodhur në lagjen “11 Janari, Kuçovë, ku ka shpërthyer një bombol gazi në banesën e shtetasve M.K dhe A.K, shërbimet e Njësisë speciale, të zjarrfikëses dhe të Policisë bënë të mundur nxjerrjen e shtetases A.K, e cila si pasojë e dëmtimeve të marra kishte ndërruar jetë.
Ndërsa shtetasi M.K., ndodhet nën kujdesin e mjekëve, në spitalin rajonal në Berat, për momentin në gjendje të stabilizuar shëndetësore. Grupi hetimor, po vijon punën për sqarimin e plotë të rrethanave të ngjarjes.
https://www.priza.al/kucove-shperthen-bombola-e-gazit-shembet-nje-pjese-e-baneses-e-moshuara-ende-brenda/#:~:text=Ku%C3%A7ov%C3%AB/%20Shp%C3%ABrthen%20bombola%20e%20gazit%2C%20shembet%20nj%C3%AB%20pjes%C3%AB%20e%20banes%C3%ABs%2C%20e%20moshuara%20ende%20brenda
