49-vjeçarja shqiptare Klodiana Celo, e cila qëlloi me armë zjarri ish-partnerin e saj, mjekun grek, për çështjen e kujdestarisë së vajzës së tyre 13-vjeçare, është proceduar për vrasje të mbetur në tentativë dhe rrëmbim të vajzës.
Çelo ka dalë para prokurorisë e veshur me jelek anti-plumb dhe duar të lidhura. Ajo ka bërtitur para gazetarëve duke thënë se kishte shpëtuar fëmijën e saj dhe se nëse s’do kishte qenë për të, ajo dhe vajza do të kishin vdekur. Në gjendje të rëndë mendore, Klodiana Çela tha se ai ja kishte rrëmbyer vajzën e përdhunuar.
‘Unë i shpëtova jetën fëmijës tim. Unë dhe vajza ime do të kishim vdekur tani. Nuk doja që t’i ndodhte askujt ndonjë gjë e keqe. Unë shpëtova fëmijën dhe jetën time. Unë nuk e kisha parë fëmijën tim, rrëmbyesin dhe përdhunuesin e saj për pesë vjet. Ai e përdhunoi, i dha drogë dhe tha se kishte epilepsi dhe e përdhunoi. Ata bënë gjithçka që të merrnin vajzën time. Së bashku me mjekë të tjerë. Mjekë të njohur që dalin nëpër kanale dhe flasin për mbrojtjen e qytetarëve. Më lanë pa shtëpi dhe më morën fëmijën. Fëmijën tim, nuk dua asgjë tjetër.’- tha ajo para gazetarëve.
Në momentin që Klodiana Çela largohet, njëra prej familjareve të shqiptares dëgjohet t’i thotë “të lumtë dora“.
Pas të shtënave, 49-vjeçarja ka tentuar që të rrëmbejë vajzën nga makina e mjekut. E mitura ka bërë rezistencë të fortë dhe për këtë arsye nuk ia arriti qëllimit.
/Priza.al/
