Seanca gjyqësore ndaj ish-ministrit të Mbrojtjes Fatmir Mediu për procesin “Gërdeci” është shtyrë për në 7 prill, pasi ai mungoi për shkak të ftesës për të marrë pjesë në Kongresin Amerikan.
Avokati i Mediut kërkoi që ai të ishte prezent për të paraqitur komentet mbi akt-ekspertimin, ndërsa prokurori e quajti të pajustifikuar mungesën e tij. Gjyqtarja Irena Gjoka vendosi të shtyjë seancën dhe i bëri thirrje Mediut që të mos mungonte në të ardhmen.
Gjatë seancës ishte e pranishme edhe Zamira Durda, një nga familjarët e viktimave të “Gërdecit”, e cila tha se ka 17 vjet që pret drejtësi për tragjedinë.
