Buzët e plasaritura mund të jenë të bezdisshme, të dhimbshme dhe madje të shkaktojnë gjakderdhje. Qoftë moti apo balsami i keq i buzëve, ka gjëra që mund të bëni për të parandaluar thatrjen dhe plasaritjen e buzëve. Plasaritja ka shumë shkaqe si përshembull: buzët nuk përmbajnë gjëndra vaji si pjesa tjetër e lëkurës suaj, ato janë të prirura për t’u tharë. Por si mund ta parandaloni plasaritjen e buzëve?
Mos i lëpini
Lëpirja e buzëve i than ato edhe më shumë. Për shkak se pështyma avullon shpejt, buzët tuaja janë më të thata pasi i lëpini se sa ishin më parë.
Mos përdorni balsam buzësh me shije
Përse? Pasi ju prireni që sërish buzët tuaja t’i lëpini. Ndonëse balsamet e buzëve me shije mund të jenë argëtuese, ato mund të çojnë në një gojë të thatë dhe të plasaritur që nuk është aspak argëtuese.
Përdorni krem kundër diellit
Nëse dita është shumë e ngrohtë, përdorni një balsam buzësh me krem kundër diellit. Do të ndihmojë që buzët tuaja të mos digjen.
Mbuloni gojën kur jeni jashtë
Ajri i ftohtë veçanërisht mund të thajë buzët tuaja. Mbulimi i tyre me një shall kur dilni në temperatura të ftohta mund t’ju ndihmojë t’i mbani ato të mbrojtura.
Largohuni nga aromat
Mund të keni buzë të ndjeshme që irritohen kur bien në kontakt me parfume, ngjyra ose aroma. Pra, mbajini kozmetikët dhe produktet me këta përbërës larg nga goja juaj.
Qëndroni të hidratuar
Sigurohuni që të pini shumë ujë për të shmangur dehidratimin, i cili mund të çojë në tharjen e lëkurës dhe buzëve.
