Autoritetet greke kanë shkatërruar një bandë të trafikimit të drogës në vend. Mes 38 personave të arrestuar, janë edhe dy shqiptarë. Gjithashtu mes tyre janë edhe 6 gra.
Në operacionin policor janë përfshirë punonjës policie të Drejtorive të Policisë Rodopi, Orestiada, Aleksandropolis, Dramë dhe Ksanthi dhe nëndrejtoria e Prokurorisë së Drogës pranë Drejtorisë së Sigurisë së Selanikut.
Për vërtetimin dhe zbardhjen e veprimtarisë kriminale të të arrestuarve, u krye një hetim policor gjatë të cilit u konstatua se autorët nga fillimi i muajit janar 2021 deri më datë 29.11.2021, i janë bashkuar një organizate kriminale, me veprime të vazhdueshme dhe të strukturuara, me role të rëndësishme që alternoheshin sipas rrethanave, me qëllim përfitimin e paligjshëm pasuror nëpërmjet shitjes së drogës.
Nga monitorimi shumëmujor i funksionimit të bandës dhe ecuria e hetimeve, u konstatua se anëtarët e ishin aktivë në shitjen e drogës për përdoruesit e Njësive Rajonale Rodopi, Ksanthi dhe Evros, sasi të cilat ishin furnizuar nga Selaniku dhe Komotini.
Përveç kësaj, hetimi zbuloi se organizata furnizonte drogë për të paktën 115 persona.
/Priza.al/
