9 Maji është Dita e Europës, në përkujtim të deklaratës Schumanit të vitit 1950. Dita e Europës është dita kur u hodh hapi i parë drejt krijimit të asaj që sot njihet si BE, Bashkimi Evropian. Ministri i Jashtëm i Francës, Robert Shuman, lexoi për shtypin ndërkombëtar një deklaratë ku i bënte thirrje Francës, Gjermanisë dhe vendeve të tjera evropiane për të bashkuar prodhimet e tyre të qymyrit dhe çelikut që do të ishte “themeli i parë konkret për një Federatë të ardhshme Evropiane”.
Në një aktivitet në kuadër të kësaj dite, Ambasadorja e BE-së në Tiranë Christiane Hohmann është shprehur se Shqipëria ka bërë shumë përpara. Ajo tha se Shqipëria do duhet të ndihet shumë krenare për të gjitha arritjet e bëra.
“Përpara 1 viti nuk ishin çelur negociatat me Shqipërinë, sot jemi në muajin maj dhe në korrik vjet ishte konferenca e parë ndërqeveritare. Shqiptarët duhet të jenë shumë krenar, keni ecur goxha në këto 10-12 muaj. Ka ende shumë për t’u bërë që Shqipëria të jetë shtet anëtarë me të drejta të plota. Shqipëria është Europë, s’mund ta theksoj më shumë se kaq këtë gjë. Dita e Europës duhet të festohet me të gjithë. S’ka vend më të mirë se ky vend që jemi sot në Malin e Dajtit për të festuar rininë e Shqipërisë. Kemi malin e Dajtit që duket gjithandej nga Tirana. Me aftësitë e duhura do ecni përpara më shpejt. S’bëhet fjalë për një profesion, po të shikoni rrjetin social të delegacionit ka shumë aftësi në përbërje të ekipit tonë. Pse mos të vendosni aftësinë tuaj në një video dhe të rrëfeni ju se si përfitoni ju nga këto aftësi. Kjo është sfida jonë kryesore në Shqipëri. Na duhen përpjekjet e përbashkëta. Edhe pse jemi në mal, ndonjëherë ia vlen të bësh një hap pas e të reflektosh për ato gjëra që janë bërë” – tha Hohman, ambasadore e BE në Tiranë.
