Sot është solstici dimëror dhe shënon ditën më të shkurtër të vitit, por njëkohësisht edhe hyrja në stinën e dimrit astronomik. Fjala solstic vjen nga latinishtja dhe do të thotë ‘Dielli i Ndalur’. Për shoqërinë e lashtë romake nga 17 -23 dhjetor ishin ditë festash, pasi solstice shënonte Lindjen, gjë që sipas historianëve mund të lexohet edhe si paraprirësja pagane e Krishtlindjes.
Megjithatë të gjitha kulturat e lashta solstici i dimrit përjetohej dhe festohej si një moment magjik dhe i mbushur me spiritualitet. Në fakt, pas 21 dhjetorit dita fillon të zgjatet në mënyrë progresive . Sot Dielli lindi në orën 07.37 minuta dhe perëndimi shënohet në orën 16.44.
Data e solsticit dimëror nuk është fikse, mund të shënohet edhe në datën 22 apo 23 dhjetor. Ndërkohë që 21 apo 22 dhjetori që në hemisferën tonë shënon nisjen e dimrit, në hemisferën australiane shënohet solstice i verës, pra dita më e gjatë e vitit dhe njëkohësisht hyrja në stinën e verës.
/Priza.al/
