Ish-presidenti i Shteteve të Bashkuara të Amerikës, Donald Trump, ka komentuar vizitën e fundit të ish të dërguarit të tij, Richard Grenell në Kosovë.
Në këtë drejtim, ish-presidenti Trump ka bërë thirrje që marrëveshjet ndërmjet Kosovës dhe Serbisë, e ndërmjetësuar nga administrata e tij nuk duhet të braktisen, sepse siç ka thënë ai, janë historike dhe janë në pyetje shumë jetë njerëzish.
““Popujt e mëdhenj të Serbisë dhe Kosovës kanë kapërcyer pengesa të jashtëzakonshme në ndjekjen e tyre për normalizim ekonomik. Marrëveshjet që administrata ime i ndërmjetësoi janë historike dhe nuk duhen braktisur, janë në pyetje shumë jetë”, ka thënë në fillim të deklaratës Trump.
Siç ka shtuar tutje, ai, rajoni është gjithashtu i rëndësishëm dhe njerëzit kanë qenë në pritje për një kohë të gjatë që kjo të ndodhë.
“Rajoni është tepër i rëndësishëm dhe popujt kanë pritur kohë shumë të gjatë që krejt kjo punë të hidhet mënjanë. Sot, i dërguari im, ambasadori Richard Grenell, e vizitoi kufirin Kosovë-Serbi për ta nxjerrë në pah këtë marrëveshje të rëndësishme. Njëjtë sikurse kemi dëshmuar në Lindjen e Mesme me Marrëveshjet Abraham, paqja dhe normalizimi ekonomik janë të mundur, por nevojitet përpjekje e sinqertë dhe udhëheqje e palëkundur. Paqja është e mundur, mos u dorëzoni – në pyetje është prosperiteti afatgjatë i këtyre dy kombeve!” thuhet në komunikatën e Trumpit, të lëshuar nga zëdhënësi i tij.
Më 4 shtator 2020, ish-kryeministri i Kosovës, Avdullah Hoti dhe presidenti i Serbisë, Aleksandar Vuçiç, në praninë e ish-presidentit të SHBA-së, Donald Trump, firmosën marrëveshjen e Washingtonit, që është kritikuar nga kryeministri aktual Albin Kurti.
45: The great people of Serbia and Kosovo have overcome tremendous obstacles in their pursuit of economic normalization. The agreements my administration brokered are historic and should not be abandoned, many lives are at stake. pic.twitter.com/BIs3lI5jjf
— Taylor Budowich (@TayFromCA) November 11, 2021
/Priza.al/
