Gjykata e Posaçme e Shkallës së Parë Për Korrupsionin dhe Krimin e Organizuar Tiranë, ka lënë në burg punonjësin e policisë, specialist zone në Komisariatin e Policisë Kukës, i cili u arrestua dy ditë më parë, pasi i kërkoi një të dënuari me ‘arrest shtëpie’ para në këmbim të lirisë së tij për të dalë nga banesa.
Një punonjës i policisë së Kukësit, është arrestuar me urdhër të SPAK, pasi akuzohet për korrupsion.
Sipas SPAK, shtetasi Shkëlqim Çika me detyrë punonjës policie, specialist zone në Komisariatin e Policisë Kukës, i ka kërkuar rryshfet shtetasit Admir Spahia,, me qëllim që të mos referonte në prokurori largimin e tij nga banesa, edhe pse ishte në masën e sigurisë arrest shtëpie.
Rasti i mitmarrjes dyshohet se ka ndodhur në datën 13 janar të këtij viti, dhe arrestimi i policit është bërë pas ndërhyrjes së SHÇBA-së.
/Priza.al/
