Me dhurata dhe me urimin për një jetë më të mirë, kryeministri Edi Rama u ka uruar mirëseardhjen afganëve të strehuar mes Durrësit dhe Kavajës të cilët mbërritën në vendin tonë pak pas mesnatës.
Rama tha se e kupton situatën që ata po jetojnë sot pasi edhe shqiptarët kanë qenë dikur në vendin e tyre. Një prej grave afgane falënderoi kryeministrin ndërsa zbuloi edhe një detaj të veçantë, se një prej bebeve afgane feston ditëlindjen pikërisht sot, në ditën e parë të një jete të re në Shqipëri.
Pjesë nga biseda
Edi Rama: Më në fund ia dolët
Gruaja afgane: Me shumë vështirësi por ia dolëm. Ju falënderoj për mikpritjen dhe bujarinë që keni treguar për grupin tonë. E di që nuk është e lehtë të strehosh kaq shumë njerëz krejt papritur, por kolegët tuaj kanë bërë një punë të mrekullueshme.
Rama: Kemi qenë në këtë pozitë, e dimë çfarë është. Çdo gjë është në rregull këtu?
Gruaja afgane: Po, në rregull. Shumë faleminderit. Kanë qenë të gjithë shumë të gjindshëm, kanë bërë maksimumin. Nuk ka qenë e lehtë, për të qenë të ndershëm, duket ende si një makth nga i cili do të zgjohemi, por realiteti është ky që është për fat të keq. Duket si të vish nga ferri në parajsë, ka qenë shumë e vështirë për të gjithë.
Gruaja afgane: Këta janë disa nga njerëzit tanë këtu
Edi Rama: Pra çdo gjë është në rregull?
Gruaja afgane: E përsosur faleminderit shumë
Edi Rama: Kjo është ministrja jonë
Gruaja afgane: Po jemi takuar. Kanë qenë të gjithë shumë të gjindshëm. Nuk ka qenë e lehtë. Ende duket jo reale. Duket sikur do zgjohemi nga një makth. Duket si të vish nga ferri në parajsë
Edi Rama: Kemi sjellë disa gjëra për fëmijët
Gruaja afgane: Jam e bindur që do ju pëlqejnë shumë
Edi Rama: Do një top, një top basketbolli
Gruaja afgane: Ky është bashkëshorti im dhe vajza. Ky i vogli këtu ka sot ditëlindjen e parë
/Priza.al/
