Ditën e nesërme është finalja e “Big Brother Vip Kosova”. Pesë finalistët Xhuli, Stresi, Vedati, Mbresa dhe Artani janë në garë për të fituar çmimin prej 200 mijë eurosh.
Ndërsa po afron koha e shpalljes së fituesit miqtë e famshëm të finalistave kanë treguar edhe një herë përkrahje e tyre.
Së fundmi, me anë të një postimi në Instagram, Noizy ka kërkuar mbështetje për mikun dhe kolegun e tij, Stresin. Reperi ka postuar një imazh të Stresit në Instastory teksa ka kërkuar nga fansat e tij që ta votojnë.
“Votoni për Stresin”, ka shkruar Noizy në mbishkrimin e postimit.
Nga ana tjetër kujtojmë që pas vitesh mosmarrëveshje me njëri-tjetrin, vitin që lamë pas dyshja arritën të bëjnë paqe dhe sot gëzojnë një shoqëri dhe raporte të mira bashkë.
Stresi ishte i ftuar edhe në koncertin e Noizy-t “Alpha” i cili u mbajt në muajin gusht të vitit që lamë pas.
