Statusi i Manchester Cityt si kampion i Premierligës u konfirmua pasi Arsenali humbi 1-0 në ndeshjen kundër Nottingham Forest.
Një goditje në pjesën e parë nga Taiwo Awoniyi ishte e mjaftueshme për të siguruar fitoren, e cila konfirmoi gjithashtu mbijetesën e Forestit në Premier League.
Humbja e tretë e Arsenalit në pesë ndeshjet e fundit e vendos Cityn katër pikë përpara skuadrës së Mikel Arteta-s, të cilët kanë mbetur vetëm një ndeshje për të luajtur, duke konfirmuar sërish skuadrën e Pep Guardiolës si fitues të titullit.
Arsenali kishte qenë në një pozicion të rehatshëm për pjesën më të madhe të sezonit.
Që në fillim të prillit ata mbajtën një epërsi prej tetë pikësh në krye të tabelës. Megjithatë, një seri prej vetëm shtatë pikësh nga tetë ndeshjet e tyre të fundit, e kombinuar me një ecuri të shkëlqyer të pamposhtur nga City, bëri që Topçinjtë të kapitullojnë dhe t’i lejojnë rivalët e tyre t’i kapërcejnë.
City, i cili ka dy ndeshje në dorë ndaj kundërshtarëve të tij më të afërt, tani ka fituar titullin në pesë nga gjashtë fushatat e fundit dhe do të dalë në fushë në stadiumin Etihad kundër Chelsea të dielën si kampion.
Skuadra e Londrës veriore do të përpiqet ta mbyllë sezonin me një fitore në shtëpi kur të përballet me Wolves më 28 maj.
