Të shtënat me armë zjarri kanë lënë të vrarë pesë persona dhe kanë plagosur një tjetër mbrëmjen e djeshme në Kanada. Ngjarja ka ndodhur në një kompleks banimi në Kanadanë lindore dhe viktimat janë gjetur në banesa të ndryshme.
Policia ka ndërhyrë menjëherë dhe gjatë shkëmbimit të zjarrit me ta ka mbetur i vdekur edhe autori i ngjarjes, një 73-vjeçar ende i paidentifikuar. Policia po punon për zbardhjen e rrethanave të ngjarjes pasi nuk dihet nëse autori ka patur ndonjë lidhje me viktimat. Uniformat blu kanë bërë me dije se ata janë njoftuar në orën 19:20, me orën lokale dhe pas mbërritjes në vendin e ngjarjes kanë kuptuar se autori e ka kryer krimin i vetëm.
Banorët e këtij blloku banimi, që ndodhej në Vaughan, 30 kilometra në veri të Torontos, janë evakuar nga policia. Ata priten të kthehen në banesat e tyre pas qetësimit të situatës.
