Sulmet e Ukrainës në depon e naftës ruse nuk ka lënë shije të këndshme në bisedimet midis dy vendeve armiqësore.
Sipas zëdhënësit të Kremlinit, Dmitry Peskov, raportet për helikopterët ushtarakë ukrainas që synojnë një depo nafte në Rusi nuk krijojnë kushte të favorshme për vazhdimin e bisedimeve të paqes.
Më herët sot, guvernatori i rajonit Belgorod të Rusisë, i cili shtrihet në veri të Ukrainës, tha se një depo nafte ishte djegur pas një sulmi nga dy helikopterë ukrainas.
Peskov u pyet në konferencën e tij të përditshme për shtyp nëse sulmi i raportuar përbën një përshkallëzim të konfliktit.
“Sigurisht, kjo nuk është diçka që mund të perceptohet si krijimi i kushteve komode për vazhdimin e negociatave”, u përgjigj ai, siç raporton agjencia e lajmeve Interfax.
Sipas raportit, Peskov ridrejtoi pyetje të mëtejshme në lidhje me sulmet e raportuara tek agjencitë ruse të zbatimit të ligjit.
Ai tha gjithashtu se autoritetet po bënin gjithçka për të riorganizuar zinxhirin e furnizimit me karburant dhe për të shmangur ndërprerjen e furnizimit me energji në Belgorod./Përpunoi Priza.al
Burimi: BBC
