Erzeni dhe Korabi do të luajnë sot finalen për një biletë për në Superiore. Dy skuadrat do të provojnë që të jenë mes më të mirave vitin e ardhshëm dhe në stadiumin “Niko Dovana”, do të përcaktohet skuadra që plotëson listën me 10 ekipe.
Sa i përket gjykimit, Eldorjan Hamiti do të drejtojë takimin teksa do të ndihmohet nga Ani Koçiaj dhe Elvis Gjoka. Në sistemin VAR do të jetë Olsid Ferataj i ndihmuar nga Ridiger Çokaj. Arbitër i katërt për këtë takim, është Dorjan Maletaj.
Takimi luhet në stadiumin “Niko Dovana” dhe fituesi luan sezonin e ardhshëm në Superiore e skuadra tjetër në Kategorinë e Parë. Në rast barazimi pas 90 minutave të kohës së rregullt, do të ketë kohë shtesë dy herë nga 15 minuta. Nëse edhe pas kohës shtesë do të ketë barazim, atëherë do të goditen nga 5 penallti për secilën skuadër.
Arbitër kryesor: Eldorjan Hamiti
Asistent 1: Ani Koçiaj
Asistent 2: Elvis Gjoka
Arbiter i 4: Dorjan Maletaj
VAR: Olsid Ferataj
AVAR: Ridiger Çokaj
Delegat: Eduard Gjini
Vezhgues: Ilirjan Kristo
