Tajvan, Kinë: “Operacionet ushtarake përfunduan, patrulla të rregullta”

“Operacionet e përbashkëta ushtarake rreth ishullit të Tajvanit” janë “përfunduar me sukses”. Kështu bëhet e ditur në një shënim nga Komanda e Forcave të Armatosura Kineze. Megjithatë, Pekini do të monitorojë “ndryshimet në situatën në ngushticën e Tajvanit” dhe trupat “do të vazhdojnë të kryejnë stërvitje dhe përgatitje ushtarake, do të organizojnë rregullisht patrulla të gatishmërisë luftarake dhe do të mbrojnë me vendosmëri sovranitetin kombëtar dhe integritetin territorial”.