Çfarë do të thotë të ngrysesh në demokraci e të gdhihesh në diktaturë? Këtë e shpjegojnë këto pamje.
Militantët talibanë të armatosur dhe me uniforma ushtarake, sipas modelit të tyre tradicional, mësynë në një studio televizive ku vitet e fundit janë zhvilluar debate mes akademikësh, politikanësh e përfaqësuesish të shoqërisë civile.
Pasi talibanët pushtuan gjithë territorin e Afganistanit, vendin e tyre e zunë këta militantë, të cilët në duar mbanin armë automatike të marra jo vetëm në depot e braktisura nga amerikanët, por edhe të prodhimeve të mëhershme ruse si Kallashnikovi. Ndonjë prej tyre mbante veshur edhe jelek me vend të posaçëm për granata e bomba.
This is surreal. Taliban militants are posing behind this visibly petrified TV host with guns and making him to say that people of #Afghanistan shouldn’t be scared of the Islamic Emirate. Taliban itself is synonymous with fear in the minds of millions. This is just another proof. pic.twitter.com/3lIAdhWC4Q
— Masih Alinejad ?️ (@AlinejadMasih) August 29, 2021
Edhe pse qëndronin në pozicion gatishmërie, militantët kishin ardhur në studio vetëm për të shoqëruar komandantin e tyre, i cili kërkonte vetëm t’i thoshte popullit se nuk duhej të kishte frikë nga Emirati Islamik, forma e regjimit që do të ndjekin talibanët tani e tutje.
/Priza.al/
