Policia e Tiranës ka arrestuar 3 persona të akuzuar për vjedhje në kryeqytet. Konkretisht bëhet fjalë për Eduart Zekaj, i cili në kohë dhe vende të ndryshme, dyshohet se ka vjedhur 18 videoprojektorë në 4 universtitetit të Tiranës.
Gjithashtu është prangosur edhe Armand Nushi, i cili ka tentuar ka tentuar ti vjedhë me dhunë, telefonin një mjeku. Ndërsa Emilian Imeri ra në prangat e policisë, pasi dyshohet se ka vjedhur sende të ndryshme, në një magazinë.
Njoftimi Policisë:
Finalizohen nga Komisariati i Policisë Nr. 4, brenda 12 orëve, 3 operacione policore, të koduara “Videoprojectors”, “Medicus” dhe “Friend”, për goditjen e veprimtarisë kriminale në fushën e vjedhjes së pronës dhe pasurisë.
Tre persona u arrestuan dhe një tjetër u procedua penalisht.
Në kuadër të operacionit policor të koduar “Videoprojectors” u bë arrestimi në flagrancë i shtetasit:
– Eduart Zekaj, 29 vjeç, banues në Tiranë, si dhe u procedua penalisht shtetasi R. K., 40 vjeç, banues në Tiranë.
Shtetasi Eduart Zekaj, në kohë dhe vende të ndryshme, dyshohet se ka vjedhur 18 videoprojektorë në 4 universtitete të Tiranës, ndërsa shtetasi R. K., ka përvetësuar sendet e vjedhura.
Në cilësinë e provës materiale u sekuestruan 18 videoprojektorë, të dyshuar të vjedhur.
Në kuadër të operacionit policor të koduar “Medicus” u bë arrestimi i shtetasit:
– Armand Nushi, 45 vjeç, banues në Tiranë.
Shtetasi Armand Nushi, në Rrugën e Dibrës, ka tentuar ti vjedhë me dhunë, telefonin shtetasit L. S., dhe më pas është larguar. Gjithashtu, nga verifikimet e kryera ka rezultuar se me datë 23.09.2022, ka vjedhur shuma parash në dyqanin në pronësi të shtetasit Th. J.
Në kuadër të operacionit policor të koduar “Friend” u bë arrestimi i shtetasit:
– Emilian Imeri, 26 vjeç, banues në Tiranë.
26-vjeçari, dyshohet se ka vjedhur sende të ndryshme, në magazinën në pronësi të shtetases E. N.
Punohet për dokumentimin e vjedhjeve të tjera, që mund të jenë kryer nga këta shtetas.
Materialet i kaluan Prokurorisë, për veprime të mëtejshme procedurale.
