Papa Françesku i ka shkruar një letër popullit ukrainas e cila u publikua këtë të premten nga Vatikani.
“Nuk kalon asnjë ditë që të mos jem pranë jush dhe të mos ju mbaj në zemër dhe lutje. Dhimbja juaj është dhimbja ime”, tha Papa në letrën, e cila fillimisht ishte shkruar në italisht.
Ndërkohë që letra vazhdonte me një pyetje për luftën por, pa e përmendur Rusinë:
“Si është e mundur që disa njerëz të trajtojnë njerëz të tjerë në këtë mënyrë?”.
Papa përmendi vuajtjet e fëmijëve të vegjël ukrainas të vrarë dhe të zhvendosur që u është dashur të ikin nga lufta.
“Në secilën prej tyre është disfata e mbarë njerëzimit”, shkruan Papa.
Letra shprehte simpatinë për të rinjtë të cilëve u është dashur të marrin armët për të mbrojtur me guxim vendin e tyre, nënat që kanë humbur bashkëshortët, të moshuarit dhe vullnetarët.
“Në këtë oqean të së keqes dhe dhimbjes, nëntëdhjetë vjet nga gjenocidi i tmerrshëm i Holodomorit, unë e admiroj aromën tuaj. Edhe në tragjedinë e pamasë që po vuani, populli ukrainas kurrë nuk është dekurajuar apo braktisur në përulje. Bota ka njohur një popull të guximshëm dhe të fortë, një popull që vuan dhe lutet, qan dhe lufton, reziston dhe shpreson, një popull fisnik dhe martir”, përfundoi Papa.
Holodomor 1932-1933, ose Uria e Terrorit, u projektua artificialisht nga udhëheqësi sovjetik Joseph Stalin, i cili hoqi rezervat e ushqimit nga fshatarët ukrainas, duke çuar në vdekjen e miliona njerëzve.
