Pandemia ka përkeqësuar stilin e jetës së italianëve.
Sipas statistikave, që pas bllokimit në prill 2020 ka pasur një rritje graduale të duhanpirësve deri në pragun prej 26.2%. Rezultojnë mbi një milion më shumë duhanpirës se vitin e kaluar.
Të dhënat e reja janë publikuar nga një studim ISS i kryer në bashkëpunim me Institutin Farmakologjik Mario Negri dhe të paraqitura me rastin e Ditës Botërore Pa Duhan.
Studimi zbulon se 4.7% e atyre që nuk kishin pirë kurrë cigare tradicionale, në prill 2020 (gjatë bllokimit të parë të fortë) u bënë duhanpirës.
Shifra e konsumatorëve të rinj është gjithashtu shqetësuese: një në tre midis 14 dhe 17 tashmë ka pasur kontakt me tymin e duhanit dhe pothuajse 42% me cigare elektronike: një rol kryesor në rritjen e duhanpirësve, në fakt, ka vetë produktet e reja të duhanit dhe cigareve elektronike.
“Në kushtet e kufizimeve të lirive dhe stresit që rezultojnë nga pandemia, duhanpirësit u rritën me mbi një milion,” nënvizon Prof Silvio Garattini, presidenti i nderit i Institutit Mario Negri të Kërkimit Farmakologjik.
Në maj 2021, ka rreth 11.3 milion duhanpirës nga të cilët 25.7% janë meshkuj (5.5 milion) dhe 26.7% janë femra (5.8 milion).
/Marrë nga: Tg.com24/ Përshtati: Priza.al/
