Para pak javësh një deklaratë tronditëse por që u kalua pa shumë bujë nga mediat, u bë nga Drejtori i Shkollës së Magjistraturës Arben Rakipi i u shpreh se:Unë dhe shkolla e magjistraturës po shantazhohemi dhe po mbahemi peng nga një grusht personash”…
Kjo deklaratë e cila u transmetua në të gjitha mediat e vendit, kaloi pa shumë bujë. Pakkush e kuptoi se çfarë alarmi po ngrinte drejtori i magjistraturës. Pakkush e vrau mendjen se çfarë e detyroi një ish prokuror të përgjithshëm, një ndër juristët më me përvojë në vend, dhe drejtorin e shkollës së magjistraturës të ngrinte një alarm publik.
Ditë më vonë në disa media doli një lajm “bombastik” se si na paskan kopjuar TË GJITHË studentet që hynë në provim. Dhe për këtë u ofrua si provë pamjet filmike të sallës së provimit ku disa prej studentëve hynë dhe dolën nga salla. Më pas nisi të publikohej një “zhbirim” i jetës dhe prejardhjes së çdo studenti.
Këtu ngrihet një pikëpytje: Kjo histori nisi për emrat e përveçëm të studentëve “kopjac” apo për faktin që procesi ishte jo transparent dhe në shkelje të shumta?
Redaksia e priza.al investigoi më thellë rreth kësaj historie të rëndë e cila po tentohet të lihet në heshtje dhe ajo që konkluduam është sa interesante aq edhe tronditëse jo vetëm për gjëndjen ku është shkolla e magjistraturës sot, por edhe për faktin se cilët do të jenë magjistrat e ardhshëm që do kërkojnë dhe japin drejtësi.
Si fillim në shkollën e magjistraturës nuk mund të konkuronin për magjistrat staf apo ish staf i shkollës. Fëmijët apo të afërmit e pedagogëve dhe stafit. Asistentët e pedagogëve etj. Të gjithë këta nuk lejohej me rregullore të aplikonin për të qënë pjesë e magjistratëve të ardhshëm.
Por pasi u godit në gjykatë, kjo rregullore, u shfuqizua me vendimin e Gjykatës Administrative të Shkallës së Parë Tiranë nr.2552, të vitit 2021 (lënë në fuqi edhe nga Apeli). Këto vendime mundësuan stafin, ish-stafin, familjarë apo persona të lidhur me këta, të mund të konkurronin pranë kësaj shkolle dhe në vijim të ndiqnin studimet pranë saj.
Me këtë zhvillim të ri, krahas shumë studentëve që aplikuan rishtazi, ishte dhe një zonjë. Laura Mehmetllari. Zonja Laura Mehmetllari është njeriu më i afërt dhe asistentja personale e Sokol Sadushit. Sokol Sadushi në çdo pozicion dhe detyrë, asistente të tij ka patur dhe ka znj Laura Mehmetllari. Madje edhe në shkollën e magjistraturës, makina e drejtorit Sokol Sadushi shëtiste posht e përpjet znj Laura Mehmetllari. Madje dhe sot që flasim, znj Laura Mehmetllari është ekuivalente me Sokol Sadushin në çdo privilegj që ky gëzon për shkak të postit dhe pozicioneve ndër vite.
Në provimin e fundit të magjistraturës, znj Laura Mehmetllari dhe znj Pandorela Kaçorri u konstatua se kishin një tezë copy-paste me njëra tjetrën. Pas një hetimi administrative të shkollës u zbulua forma se si këto dy “kopjace” kaluan provimin dhe rrjedhimisht u përjashtuan.
Por kjo nuk ishte ajo që Sokol Sadushit i nevojitej. E pas përjashtimit të znj Mehmetllari, Sokol Sadushi nisi një sulm personal ndaj Arben Rakipit dhe shantazh ndaj gjithë drejtuesve të shkollës. Ultimatumi i Sokol Sadushit ishte i qartë: “Nëse nuk kualifikohet Laura Mehmetllari, i gjithë procesi do shkojë për lesh”…
Dhe me shantazh, media, spiunë dhe goditje Sokol Sadushi po vë në pikëpytje misionin e një shkolle të tërë.
Historia e kopjeve, studentëve që hynë dhe dolën nga salla, janë hetuar edhe me ekspertë të jashtëm dhe konkluzionet janë dhënë. Por Sokol Sadushi nuk ndalet, përsa kohë Laura Mehmetllari nuk është në listë.
Çfarë e detyron Sokol Sadushin që të vëjë veten “bast” për Laura Mehmetllarin?
Kush është Laura Mehmetllari dhe çfarë di ajo për Sokol Sadushin?
Çfarë punësh të deklaruara dhe pa deklaruara kanë me njëri tjetrin?
Lidhja e tyre është në raport pune si shef asistente apo është një mardhënie në nivel familjar?
A është lufta e Sokol Sadushit me Arben Rakipin mënyra për t’i hapur rrugën Ina Ramës për tu zgjedhur Drejtore e Shkollës së Magjistraturës?
Priza.al do vijojë ditë pas ditë të botojë të plotë dosjen e abuzimeve të Sokol Sadushit të kryer në bashkpunim me Laura Mehmetllarin dhe të tjerë personazhe të botës së drejtësisë të cilat kanë si qellim kapjen e plotë të shkollës së Magjistraturës në mënyrë për të diktuar emrat e gjyqtarëve dhe prokurorë të ardhshëm.
-Vijon-
