Moti ditën e sotme do të jetë me temperatura të larta. Sipas MeteoAlb: Vendi ynë do të jetë në ndikimin e vlerave të lartë barike të cilat do të sjellin deri në orët e mesditës dhe pasdites mbizotërim të kthjellimeve dhe kalime të lehta vranësirash. Por në orët në vijim parashikohet që në territorin Shqiptar vranësirat të shtohen gradualisht, duke bërë që gjatë mbrëmjes dhe natës të jemi në dominimin e vranësirave të shumta.
Temperaturat e ajrit do të mbeten kostante në mëngjes, por do të rriten në mesditës duke luhatur vlerat ditore nga 3°C deri në 21°C.
Era do fryjë e lehtë në tokë dhe mesatare në det me shpejtësi 35 km/h nga drejtimi Verior – Veriperëndimor duke krijuar në brigjet detare dallgëzim 2 ballë.
