Pas situatës të tensionuar në veriun e Kosovës, ka reaguar edhe NATO, e cila përmes një postimi në Twitter shkruan se KFOR po monitoron situatën në vendin më të ri të Ballkanit.
Gjithashtu në njoftim theksohet se KFOR-i mbetet fuqishëm i përkushtuar ndaj sigurisë, i gatshëm të miratojë masat e nevojshme për ta mbajtur Kosovën të sigurt nga një agresion i mundshëm serb.
“KFOR-i po monitoron nga afër situatën në veri të Kosovës me organizatat vendore dhe ndërkombëtare të sigurisë. Nën mandatin e OKB-së, KFOR-i mbetet fuqishëm i përkushtuar ndaj sigurisë, i gatshëm të miratojë masat e nevojshme për ta mbajtur Kosovën të sigurt”, thuhet në reagim.
