Një 22-vjeçar ka rënë në prangat e Policisë në Portin e Durrësit, pasi tentoi të kalonte kufirin me dokumente të falsifikuara. I riu i identifikuar me inicialet R.D banues në Tiranë tashmë do të përballet me akuzën e falsifikimit të pasaportave ose vizave.
Njoftimi i policisë:
“Specialistët për Hetimin e Krimeve Ekonomiko-Financiare të DVP Durrës arrestuan në flagrancë, për veprën penale “Falsifikimi i letërnjoftimeve, i pasaportave ose i vizave”, shtetasin R. D., 22 vjeç, banues në Tiranë, pasi u kap nga shërbimet e Policisë Kufitare të PKK Port Durrës, duke tentuar të kalojë kufirin me dokumente të falsifikuara,” njoftoi Policia Durrës.
