Humbja ndaj Japonisë nuk rezultoi fatale për Spanjën, por gjithsesi, ka acaruar tejmase trajnerin e iberikëve, Luis Enrique. Tekniku i njohur, siç raportojnë mediat, ka vendosur që të mbyllë skuadrën në dhomat e zhveshjes.
Tonet kanë qenë mjaft të ngritura në drejtim të lojtarëve, pasi për “timonierin” e njohur ekipi tregoi mungesë serioziteti. Spanja ia doli të kualifikohej si e dyta në grup dhe në fazën tjetër do të përballet me skuadrën e Marokut. Pavarësisht ulje-ngritjeve, kjo kombëtare mbetet pretendente për Botërorin.
