Tre persona humbën jetën në tërmetet e reja me magnitudë 6.4 dhe 5.8 që goditën provincën e Hatay, në Turqinë juglindore , në kufirin me Sirinë. Kështu deklaroi ministri i Brendshëm, Suleyman Soylu, duke nënvizuar se 213 persona kanë mbetur të plagosur dhe janë dërguar në spital, ndërkohë që vijojnë operacionet e kërkimit në tre ndërtesa të shembura. Mes viktimave një grua e vrarë nga shembja e një blloku betoni që i ra në kokë në qytetin e Samandag. Viktima janë shënuar edhe në Siri , ku ka të paktën 5 të vdekur.
Ndër viktimat në Siri, katër vdiqën në përplasjen e shkaktuar nga paniku në Aleppo dhe Tartus. Këtë e ka raportuar televizioni Al Arabiya të raportuar nga Tass. Një grua tjetër vdiq në Lataki. Mediat raportojnë edhe për disa të plagosur në arratisjen e nxituar nga shtëpitë apo të hedhura nga ballkonet.
Evakuimet u shkaktuan menjëherë , madje edhe nga spitalet, në të gjithë provincën turke të prekur, ndërsa paralajmërimi për cunami u lëshua pak minuta pas lëkundjeve, më pas u anulua. Epiqendra e goditjes më të fortë, prej 6.4, ndodhi midis Samandag, një qytet bregdetar pranë kufirit me Sirinë dhe Defne, një qytet jo shumë në brendësi të vendit, gjithashtu pranë kufirit. Tërmeti është ndjerë jo vetëm në provincat fqinje siriane, por edhe në Qipro, Liban, Irak, Palestinë, Izrael dhe Egjipt.
