Presidenti i Turqisë Rexhep Tajip Erdogan premtoi ditën e sotme se qeveria turke do t’u paguajë qiranë qytetarëve për një vit nëse ata nuk dëshirojnë të qëndrojnë në tenda. Gjatë vizitës së tij në qytetin juglindor Adiyaman, Erdogan deklaroi sërish se qeveria do të rindërtojë ndërtesat e shkatërruara brenda një viti.
“Ne do të ofrojmë 10,000 lira turke (530,92 dollarë) për qytetarët tanë. Përveç kësaj, për qytetarët që nuk duan të qëndrojnë në tenda, ne do të mbulojmë shpenzimet e qerasë për një vit” – tha ai.
Ai gjithashtu përmendi se nëse qytetarët e tërmetit do të preferonin të qëndronin në hotele, kjo do të bëhet e mundur.
