Një ngjarje e çuditshme ka ndodhur në kryeqytetin francez ditën e sotme. Sipas mediave vendase, një burrë i armatosur me thikë ka marrë peng dy gra në një qendër tregtare.
Paniku është shtuar teksa ai ka kërcënuar se do i vrasë ato, nëse aty nuk vjen për të negociuar ministri i Drejtësisë.
Pengmarrësi është i njohur për autoritetet si njeri që ka probleme mendore. Mediat lokale raportojnë për një burrë me prejardhje nga Tunizia që quhet Abderaman B.J.
Kërkesa e tij ishte që të bisedojë me ministrin francez të Drejtësisë. Në anën tjetër ministri francez Eric Dupond-Moretti, ua ka bërë të ditur njësive speciale të policisë së Parisit se është i hapur për zgjidhjen e çfarëdo problemi.
