Prodhimi i një vaksine kundër kancerit është thjesht çështje kohe. Kështu janë shprehur së fundmi Ugur Sahin dhe Ozlem Touretsi të cilët ndryshuan rrjedhën e historisë me zhvillimin e vaksinëa Pfizer BioNTech me teknologjinë m-ARN. Ata e quajnë atë një mrekulli të lindur nga shkenca dhe përpjekja njerëzore.
Në një intervistë me Kathimerini, ata tregojnë mes të tjerash se synojnë që ta përdorin këtë metodologji për të trajtuar kancerin.
“Ne në fakt filluam që të punonim me teknologjinë mARN në vitet 1990 dhe në 2012 filluam që të trajtonim pacientë me vaksina të prodhuara me këtë teknologji. Vaksinat nuk kanë të bëjnë me parandalimin si në rastin e një virusi. Pacientët kanë tumore dhe vaksina duhet të jetë shumë e fortë që të aktivojë një përgjigje të duhur imune dhe në të njëjtën kohë të zvogëlojë në mënyrë drastike tumoret”, thanë ata.
Themeluesit e BionTech shpjeguan se kanë nisur teste në qindra pacientë dhe se vitin tjetër presin të kenë rezultate.
Nëse testet rezultojnë pozitive mund të hapin rrugën që në tre apo katër vite të aprovohet vaksina e parë kundër kancerit.
Pritet që këto vaksina të ndryshojnë fatin e pacientëve me kancer.
“Ajo që ne duam të arrimë me këto vaksina për kancerin është që të parandalojmë rikthimin e tumoreve tek pacientët e sëmurë.”
/Burimi: BBC/ Përshtati: Priza.al/
