Mason Mount thuhet se dëshiron të sigurojë një lëvizje te Bayern Munich këtë verë, duke u ribashkuar me trajnerin e tij të vjetër Thomas Tuchel.
Pas emërimit të ish-trajnerit të Bluve te Bayern, kampionët gjermanë janë bërë një nga favoritët për të nënshkruar me Mason Mount.
Për disa kohë, mesfushori i Chelseat – i cili përballet me konkurrencën e një sërë nënshkrimesh të reja – është lidhur me një largim te gjermanët.
Kontrata e Mount skadon në fund të sezonit të ardhshëm, nëse Bayerni do të ishte destinacioni, ai do të ribashkohej me Thomas Tuchel, njeriun që ndihmoi Blutë drejt lavdisë së Ligës së Kampionëve në vitin 2021.
Chelsea thuhet se kërkon 70 milionë paund për mesfushorin anglez, i cili ka 27 gola dhe 22 asistime në 128 paraqitjet e tij në ligë për klubin.
Ai ka qenë në Stamford Bridge që në moshën 6-vjeçare, por duket se qëndrimit të tij në klubin e Londrës i ka ardhur fundi.
