Deputeti i Partisë Demokratike, Flamur Noka ka hedhur akuza të rënda ndaj ministres së Shtetit për Parlamentin, Elisa Spiropalin.
Gjatë fjalës së saj në Kuvend, Siropali i kujtoi Ndokës faktin që po mbronte shumë ish-kryeministrin, Sali Berishën.
Ajo i kërkoi që të “rrinte aty ku i ka hije, në pozicionin e tij”. Por Noka iu është drejtuar me akuza të rëndë Spiropalit, duke i thënë se “Ti je dashnorja e …”, pa përmendur emra. Sakaq, kjo e fundit ka zgjedhur të mos komentojë fjalët e tij, duke vazhduar të fokusojë fjalën e saj tek Sali Berisha.
Pjesë nga debati:
Spiropali: O Flamur, po nuk e kuptoj, pse i rri aq afër atij sa dukesh si shkopi i Flamurit, a ka mundësi të rrish në pozicionin tënd, aty ku të ka hije?! Rri aty ku je.
Flamur Noka: Ti je dashnorja e….
Spiropali: Tani është e habitshme se si mund të ngrihet një njeri i tillë këtu dhe të flasë ende, dhe me një entuziazëm të shtuar, i ka dhënë entuziazëm faktit që mundi partinë e tij. Mund të gëzohet një njeri se ka vendosur poshtë, i ka vënë shkelim në fyt partisë së tij.
Ndërkohë në sallën e Parlamentit, Flamur Noka është dëgjuar duke i thënë me ironi Spiropalit: O Donikë, na fol për betejat e Skënderbeut!
