Katër persona janë arrestuar në Tiranë, pasi drejtonin automjetin nën efektin e lëndëve narkotike.
Shtetasit me iniciale Xh. B., 28-vjeç, F. B., 25-vjeç, G. B., 28-vjeç, dhe E. L., 38-vjeç akuzohen për veprën penale “Drejtimi i automjeteve në mënyrë të parregullt”.
Njoftimi i policisë:
Tiranë
Policia Rrugore e Tiranës vijon kontrollet e dedikuara, për evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore.
Si rezultat i kontrolleve të dedikuara, *brenda 24 orëve* të fundit, *janë arrestuar në flagrancë katër shtetas* që drejtonin automjetet, nën efektin e lëndëve narkotike.
Shkon në 55, numri i drejtuesve të automjeteve që kanë rezultuar nën efektin e drogave, pas testimit me aparatin AquilaScan.
Shërbimet e Policisë Rrugore, në vijim të kontrolleve për evidentimin dhe ndëshkimin e drejtuesve të automjeteve që shkelin rregullat e qarkullimit rrugor apo drejtojnë automjetet, në mënyrë të parregullt, arrestuan në flagrancë, për veprën penale “Drejtimi i automjeteve në mënyrë të parregullt”, shtetasit:
– Xh. B., 28 vjeç, F. B., 25 vjeç, G. B., 28 vjeç, dhe E. L., 38 vjeç. Këta shtetas u kapën duke drejtuar automjetet, nën efektin e lëndëve narkotike.
Materialet i kaluan Prokurorisë, për veprime të mëtejshme procedurale.
