Një automjet ka rrënë në rezervuarin e Çerkezës në Tiranë.
Mësohet se polumbarët e Reneas ndodhen në vendngjarje për të bërë të mundur nxjerrjen e automjetit nga rezervuari.
Dyshohet se makina mund të ketë dalë nga rruga, ndërsa ende nuk dihet nëse ka pasur njerëz brenda.
Njoftimi i Policisë:
Tiranë/Informacion paraprak
Më datë 17.06.2022, rreth orës 07:20, jemi njoftuar nga roja i sigurisë së rezervuarit në vendin e quajtur “Rezervuari i Çekrezës”, se kishte konstatuar një automjet të fundosur brenda këtij rezervuari.
Me marrjen e njoftimit, shërbimet e Policisë kanë shkuar mënjeherë në vendngjarje së bashku me shërbimet zjarrfikëse.
Njëkohësisht drejt vendngjarjes janë nisur edhe polumbarët e Reneas, për të bërë të mundur nxjerrjen e automjetit nga rezervuari.
Grupi hetimor po punon për zbardhjen e plotë të rrethanave të ngjarjes.
